Kombiner natur, kunst og gode smakar på kulturløypa mellom Mjonøy og Smørklepp kunstmuseum.
Aktivitetsinformasjon
| Natur møter kunst: | Naturskjønn sti til uventa kunstmuseum |
| Kvile og påfyll: | Mjonøy kombinerar tradisjon med luksus |
| Gøymde skattar: | Kunstmuseum skjult i skogen |
Kulturløypa mellom Mjonøy og Smørklepp kunstmuseum er ein stemningsfull rundtur i lett skogsterreng, der natur og kunst går hand i hand. Stien følgjer elva gjennom frodig landskap, med små kulpar og vakre fossefall som set tonen for turen.
På toppen av løypa, gøymd inne i skogen, ligg Smørklepp kunstmuseum. Her kan du oppleve ei imponerande samling kunstverk av biletkunstnarane Henrik Sørensen og Harald Kihle, som ein gong budde og arbeidde saman på Smørklepp. Museet gjev eit nært møte med både kunstnarliv og landskapet som inspirerte verka deira.
Etter kunstmøtet kan du ta turen tilbake til Mjonøy for noko godt å ete. Kaféen på tunet byr på enkel servering, og det velduftande bakeriet er vel verd eit stopp. Her er det lett å bli verande litt lenger enn planlagt.
På Mjonøy kan du også overnatte i sjarmerande loft og bur, eller i moderne hytter. I sommarsesongen er det utstillingar og handverksutsal på tunet – perfekt for deg som vil kombinere tur, kultur og gode smakar i rolege omgjevnader.
Les meir om Mjonøy Bakeri og camping.
Les meir om Smørklepp kunstmuseum – Sørensen og Kihle
