Furufjell

Furufjell er ein lett og populær lågterskeltur som passar godt for både familiar, fyrstegongs-fjellvandrarar og deg som vil ha ei fin naturoppleving utan å bruke heile dagen. Turstien ligg langs Fiskestigen, midt mellom Åmot og Øyfjell, og byr på jamn og slak stigning heilt til topps.

Turen går i variert terreng, med myrparti i starten og fast sti vidare oppover. På toppen, 955 moh, ventar ei flott utsikt over nærområdet – eit perfekt stopp for kaffipause eller niste i solveggen. Her finn du òg postkasse med trimbok i regi av Vinje IL.

Furufjell er ein tur som kan nyttast heile året. Sommartid er gode fjellsko anbefalt, medan truger kan vere eit fint hjelpemiddel på vinterføre, avhengig av snøforholda.

Praktisk informasjon 

• Lengd: ca. 2,9 km tur/retur

• Tidsbruk: rundt 1 time

• Høgdeskilnad: ca. 195 høgdemeter

• Vanskegrad: Enkel

• Sesong: Heile året

Natur og omsyn

Stien går gjennom område med rikt dyreliv. Vis omsyn ved å halde deg på merka sti og ferdast roleg, særleg i hekke- og leiketida.
I Vinje kommune er det generell bandtvang frå 1. april til 20. august, og hausten er jaktsesong – kle deg synleg og vis omsyn.

Furufjell er ein liten tur med stor belønning – perfekt som ein rask fjelltur, ein familievenleg topp eller eit avbrekk på reisa gjennom Vinje